Maharaja Vajesang of Bhavnagar
દુહા-છંદ

ગજબ હાથે ગુજારીને

Pingalshibhai Gadhvi
પિંગળશીભાઈ ગઢવી

ગજબ હાથે ગુજારીને પછી કાશી ગયાથી શું
મળી દુનિયામાં બદનામી પછી નાસી ગયાથી શું

દુઃખી વખતે નહિ દીધું પછી ખોટી દયાથી શું
સુકાણાં મોલ સૃષ્ટિનાં પછી વૃષ્ટિ થયાથી શું

વિચાર્યું નહિ લઘુ વયમાં પછી વિદ્યા ભણ્યાથી શું
જગમાં કોઈ નવ જાણે ઈ જનેતાનાં જણ્યાંથી શું

ન ખાધું કે ન ખવડાવ્યું દુઃખી થઈને રળ્યાથી શું
કવિ પિંગળ કહે પૈસો મુવા વખતે મળ્યાથી શું

-પિંગળશીભાઈ ગઢવી