લોકગીત

આવકારો મીઠો આપજે રે

હે જી તારા આંગણિયા પુછીને જે કોઈ આવે રે,
આવકારો મીઠો, આપજે રે જી …
હે જી તારે કાને સંકટ કોઈ સંભળાવે રે,
બને તો થોડું, કાપજે રે જી …

માનવીની પાસે કોઈ, માનવી ન આવે રે…(૨)
તારા દિવસની પાસે દુ:ખિયાં આવે રે
આવકારો મીઠો, આપજે રે જી …

કેમ તમે આવ્યા છો, એમ નવ કે’જે રે…(૨)
એને ધીરે એ ધીરે તું બોલવા દેજે રે
આવકારો મીઠો, આપજે રે જી …

વાતું એની સાંભળીને, આડું નવ જોજે રે…(૨)
એને માથૂં એ હલાવી હોંકારો દેજે રે
આવકારો મીઠો, આપજે રે જી …


‘કાગ’ એને પાણી પાજે, ભેળો બેસી ખાજે રે…(૨)
એને ઝાંપા એ સુધી તું મેલવા જાજે રે
આવકારો મીઠો, આપજે રે જી …

– દુલા ભાયા કાગ

    તમારો અભિપ્રાય આપો






    Subscribe Here

    વેબસાઈટ પર આવતી નવી માહિતીને દર અઠવાડિયે એક વખત ઇ-મેલ પર મેળવો...

    Advertisement

    Advertisement

    માહિતીનું દાન આપો માં ભોમ ને કાજ

    શું તમે કોઈ માહિતી આ વેબસાઈટ પર હોવી જોઈએ એવું ઈચ્છો છો?

    તો નીચેની લીન્ક પર ક્લિક કરો

    Send Information

    Follow us on Instagram

    error: © Content is protected !! All Rights Reserved by Content Writers and Creators