ત્રિવેણી ઘાટ એટલે ત્રણ પવિત્ર નદીઓ “કપિલ”, “હિરણ” અને ગુઢ નદી “સરસ્વતી” નો સંગમ છે. આ ત્રણેય નદીઓ નું સમુદ્ર સાથે આ જગ્યા એ મનુષ્યના જન્મ જીવન અને મૃત્યુ ના પ્રતિક સમાન મિલન થાય છે. આ જગ્યા એ પવિત્ર સ્નાન કરવા થી પાપ અને રોગ નો નાશ થાય છે.
ત્રિવેણી ઘાટ હિંદુ સંસ્કૃતિ અને પુરાણો માં નોંધપાત્ર સ્થાન ધરાવે છે, આ ઘાટ નો પુરાણો અને મહાકાવ્યો રામાયણ તથા મહાભારતમાં ઘણી જગ્યાએ ઉલ્લેખ છે, એવું માનવામાં આવે છે કે જરા નામના શિકારી દ્વારા તીર વાગ્યા બાદ ભગવાન કૃષ્ણ એ આ પવિત્ર સ્થળની મુલાકાત લીધી હતી. પ્રભાસ ક્ષેત્ર ના સોમનાથ પાસેની આ જગ્યા અત્યંત આદરણીય છે,
ત્રિવેણી ઘાટ પર વિખ્યાત ગીતા મંદિર અને લક્ષ્મી નારાયણ મંદિર સ્થિત છે.
