શૌર્ય ગીત

હું સોરઠી કાઠી

Sorath No Kathi

વટ, વચન ને વેર કાજે, સદાયે થાતો માટી,
લોઢા જેવો પડછંદ બાંધો, ખમીરવંતી જાતી
હું સોરઠી કાઠી ભાઈ હું સોરઠી કાઠી…….

ખડગ અને ખાંડા ખખડાવી, બાપે માર્યા વેર વળાવી,
માથાં સાટે માથાં લઈને, રાખું આંખો રાતી
હું સોરઠી કાઠી ભાઈ હું સોરઠી કાઠી…….

બરછી, ભાલો, તેગ ઉગામી, તીર અને તલવાર ચલાવી,
તોપનાં મોંએ માથું ઘાલી, થાતી પહોળી છાતી
હું સોરઠી કાઠી ભાઈ હું સોરઠી કાઠી…….

મકરાણી, આરબ, પઠાણી, મુલતાની, સિંધી, ખરસાણી,
તેજીલા તોખાર પલાણી, ખેલંતો હું બાજી
હું સોરઠી કાઠી ભાઈ હું સોરઠી કાઠી…….


સિંધુડાનો નાદ બજાવી, તરઘાયાનો તાલ સુણાવી,
ગઢવી, ચારણ, ભાટ વખાણી, કહે સોરઠની લાઠી
હું સોરઠી કાઠી ભાઈ હું સોરઠી કાઠી…….

મા-બોનુની લાજ બચાવી, સત ને ખાતર જાત ખપાવી,
“સિફર” થઈને રક્ષણ કરતી, ગૌરવવંતી નાતી
હું સોરઠી કાઠી ભાઈ હું સોરઠી કાઠી…….

-સિફર

    તમારો અભિપ્રાય આપો






    Subscribe Here

    વેબસાઈટ પર આવતી નવી માહિતીને દર અઠવાડિયે એક વખત ઇ-મેલ પર મેળવો...

    Advertisement

    Advertisement

    માહિતીનું દાન આપો માં ભોમ ને કાજ

    શું તમે કોઈ માહિતી આ વેબસાઈટ પર હોવી જોઈએ એવું ઈચ્છો છો?

    તો નીચેની લીન્ક પર ક્લિક કરો

    Send Information

    Follow us on Instagram

    error: © Content is protected !! All Rights Reserved by Content Writers and Creators