Chelaiya nu Halardu
ગીત-કવિતા-બાળગીતો-હાલરડાં શૌર્ય ગીત

ભાગું તો મારી ભોમકા લાજે

Chelaiya nu Halardu
-ચેલૈયાનું હાલરડું

ભાગું તો મારી ભોમકા લાજે ને ભોરિંગ ઝીલે ન ભાર,
હે મેરુ સરીખા ડોલવા લાગે એને આકાશનો આધાર,

મેરામણ માઝા ન મુકે ચેલૈયો સતનો ચુકે.
મોરધ્વજ રાજાએ અંગ વેરાવ્યા, દીધા કર્ણે દાન,
શિબી રાજાએ જાંઘને કાપી, ત્યારે મળ્યા ભગવાન.
– મેરામણ

દધીચી ઋષિને દેવતા યાચે, વાંસાનું કરવા વજર,
હે કુહાડે જેના અંગડા કાપ્યા, ત્યારે મળ્યા ભગવાન.
– મેરામણ

શિર મળે પણ સમય મળે નહિ, સાધુ છે મેમાન,
હે અવસર આવ્યે પાછા ન પડીએ, કાયા થાય કુરબાન.
– મેરામણ